ملابس ومنتجات البشرة والشعر والمكياج للبيع أو البدل في مصر

أفضل موقع بيع، شراء، تبدّيل ملابس مستعملة أو جديدة في مصر

 عندك هدوم بطلت تلبسها؟ أو هدوم اشتريتها و مطلعتش مناسبة ليك ومعرفتش ترجعها؟ بدل ما تركنها في الدولاب، مع منصة فورسواب هتلاقي أفضل مكان تقدر تبيع، تشتري، وتبدل من خلاله الملابس الجديدة والمستعملة، ومش بس كدة لكل البنات اللي بتدور على إكسسوار، مستحضرات تجميل ومكياج بأسعار مميزة أو بتدور على مكان تقدر تبدل من خلاله المنتجات اللي اشترتها ومطلعتش مناسبة تقدر كمان تبيعها أو تستبدلها مع حد تاني عارض منتج مناسب أكتر ليها، كل ده من خلال موقع وأبليكشن فورسواب في فئة الموضة والجمال، هتلاقي أفضل منتجات العناية بالبشرة والشعر والجسم. 

إيه اللي يخليك/ي تشتري منتجات عناية بالبشرة على فورسواب؟

أوقات كتير بنشتري حاجة من مستحضرات العناية الشخصية وبتطلع مش مناسبة لطبيعة بشرتنا أو شعرنا، زي مثلأ: كريم أساس فاتح جداً أو العكس، وده بيخلينا نركنها ونوقف استخدامها لحد ما يخلص صلاحيتها وفي النهاية تترمي، من خلال فورسواب الحاجات دي هتقدر تبيعها بسعر أقل حاجة بسيطة من تمنها وهى جديدة بدل ما تركنها وتخسر فلوسها كلها أو تبدلها. وهتلاقي آلاف المشترين اللي بيزوروا المنصة يومياً بيوصلوا لإعلانك ويتفاعلوا معاك. 

تبديل، شراء، بيع كل ما هو مستعمل من الملابس والمكياج والإكسسوارات ..  ليه تختار فورسواب؟

1. تجديد دولابك بأقل التكاليف 

فورسواب بيقدّم لك فرصة انك تجدد ملابسك بأسعار تناسب ميزانيتك. سواء كنت بتدور على ملابس جديدة، أو حتى مستعملة بحالة جيدة، هتلاقي خيارات كتير بتناسب مختلف الأذواق. ده كمان بيساعدك توفر في التكاليف وتلاقي قطع جديدة باستمرار خاصة واحنا داخلين على الشتاء وأسعار الملابس الشتوية في المحلات غالية جداً.  

2. أفضل منتجات العناية بالبشرة والشعر والجسم

من خلال فورسواب، تقدر تلاقي مجموعة متنوعة من منتجات العناية الشخصية زي الكريمات، الغسولات، والمستحضرات من جميع البراندات المحلية والعالمية اللي بتناسب احتياجاتك لبشرة نضرة وشعر صحي. المنتجات دي بتكون تقريبا جديدة  وبأسعار مناسبة.   

3. مكياج جديد ومستعمل بأسعار مناسبة أونلاين

لو بتشتغلي في تجارة مستحضرات التجميل أو عندك حاجات اشترتيها ومطلعتش مناسبة ليكي تقدري تبيعيها على فورسواب و تكسبي فيها بدل ما تخسري فلوسها، كمان من خلال فورسواب تقدري تجددي مكياجك أو تشتري مستحضرات بأسعار أقل، فورسواب بيعرض إعلانات لمكياج جديد أو حتى مستعمل بحالة جيدة وبأسعار مناسبة. كده تقدر تلاقي مستحضرات تجميل من ماركات معروفة بدون ما تضطر تدفع سعرها الكامل.

4. إكسسوارات حريمي ورجالي بجميع الأنواع

هتلاقي على فورسواب  مجموعة كبيرة من الإكسسوارات الحريمي والرجالي، سواء جديدة أو مستعملة. بتتنوع بين ساعات، نظارات شمس، حقائب، حُلي، وغيرهم من الإكسسوارات بأسعار أقل من المحلات. 

5. إعلانات مجانية وتبادل الملابس والإكسسوارات

فورسواب مش بس بيسمح لك تبيع أو تشتري، لكن كمان تقدر تبدل. لو عندك قطعة ملابس أو إكسسوار مش بتستعملها، تقدر تعرضه للتبديل وتلاقي حد تاني عنده حاجة محتاجها. الإعلانات مجانية تمامًا، وده بيساعدك تلاقي حلول اقتصادية للملابس والأكسسوارات ومستحضرات العناية الشخصية. كل اللي عليك إنك تسجل على الموقع، وبعد كده تضيف إعلانك مجاناً.  

6- مساهمة مجتمعية توفّر عليك وتساعد غيرك

فورسواب بيساعدك على تجديد استايلك بتكلفة أقل، عند استخدامك لفورسواب في بيع أو شراء الملابس والإكسسوارات، بتساهم بشكل فعّال في تقليل الطلب على إنتاج ملابس جديدة، وده بيقلل الضغط على الموارد الطبيعية المستخدمة في صناعتها. كمان تبديل الملابس بيدي فرصة للاستفادة من القطع اللي بتكون بحالة جيدة، وده بيساهم في تعزيز الاستدامة وتقليل أثر الاستهلاك المفرط على البيئة.  

نصائح لبيع الملابس والإكسسوارات ومستحضرات العناية الشخصية على فورسواب

• رفع صور بجودة عالية: الصور بتخلّي الإعلان أكثر جاذبية، علشان كده تأكد إنك ترفع صور واضحة بتوضح كل تفاصيل المنتج، وحالته لأن في حالة الملابس وأدوات العناية الشخصية بيكون مهم للمشتري ان يتأكد ان حالة المنتج اللي هيشتريه جيدة. 
• كتابة وصف تفصيلي: اكتب وصف واضح ومحدد بيشرح حالة المنتج لو جديد أو مستعمل ولو مستعمل (كام مرة)، العلامة التجارية و السعر. 
• تحديد سعر مناسب: التسعير المناسب من أهم العوامل اللي بتساعد في البيع بسرعة وبسهولة؛ لازم تتأكد ان السعر اللي انت محدده مناسب لحالة المنتج اللي بتبيعه وأسعار السوق. (أعرف هنا إزاي تسعر منتجك صح)
• التواصل بفعالية:  لما حد يتواصل معاك، حاول ترد بسرعة لأن عدم الرد ممكن يكون سبب يخلي الشخص المهتم يصرف نظر ويروح يدور على اعلان تاني، غير انه بيبني ثقة  ومصداقية مع المشترين وبيزيد من فرص البيع بسرعة. 

سياسات النظافة والسلامة على فورسواب

1. الملابس: لازم تكون بحالة جيدة ونظيفة، ويفضل الملابس اللي استُخدمت بشكل خفيف، مع مراعاة عرض صور توضح حالة القطعة.
2. مستحضرات التجميل والعناية الشخصية: يفضل بيع المنتجات الجديدة أو اللي تم استخدامها بشكل طفيف جدًا وبطريقة آمنة، ويفضل تكون في علبها الأصلية لضمان عدم التلاعب بيها.
3. أدوات التجميل: يفضل عدم قبول بيع المنتجات المستخدمة زي الأدوات اللي بتلامس البشرة مباشرة (زي أقلام العيون، أحمر الشفاه، الفرش، وغيرها) إلا لو كانت جديدة. 

في النهاية، سلامة المستخدمين واتباع معايير النظافة الشخصية (hygiene) من الأولويات في عمليات البيع والشراء، وخاصة لما يكون الموضوع متعلق بمنتجات زي الملابس المستعملة، أدوات المكياج، ومستحضرات العناية الشخصية. في الحالات دي، القطع اللي تكون مستهلكة بشكل زائد أو مستحضرات التجميل والعناية اللي تم استخدامها عدة مرات ماينفعش تتباع لأنها بتشكل خطر على الصحة. دي أمور مهمة لضمان تجربة شراء آمنة وصحية للمستخدمين، وتأكيد على إن فورسواب بيدعم المعايير الصحية المطلوبة في عمليات البيع والشراء.